काठमाडौं- नेसनल मेडिकल कलेजका सञ्चालक बसुरुद्दिन अन्सारीको घर अगाडि बम भेटिएको छ ।
वीरगन्जस्थित पानीट्यांकी मार्गमा रहेको अन्सारीको घर अगाडि बम भेटिएको प्रहरीले जनाएको छ ।
बम डिस्पोज गर्नका लागि नेपाली सेनाको टोली घटनास्थलमा पुगिसकेको जिल्ला प्रहरी कार्यालय पर्साका डीएसपी गौतम थापाले नेपाल समयलाई टेलिफोनमा जानकारी दिए । उनका अनुसार बिहान ८ बजे शंकास्पद बस्तु भेटिएको हो।
नेपाली सेनाको टोलीले बम डिस्पोजको प्रयास गरिराखेको उनले बताए । बम भेटिएपछि स्थानीय त्रसित देखिएका छन् ।
बम कसले र किन राख्यो भन्ने खुल्न सकेको छैन् । प्रहरीले अनुसन्धान गरिराखेको जनाएको छ ।