सर्लाही- सर्लाहीको परवानीपुरमा रहेको एनसेलको टावर बम विस्फोट भएको छ ।
लालबन्दी नगरपालिका–१६ मा पर्ने उक्त क्षेत्रमा आइतबार राति १ बजेतिर विष्फोट भएको जिल्ला प्रहरी कार्यालय सर्लाहीले जनाएको छ ।
विस्फोटको जिम्मा कसैले नलिए पनि नेत्रविक्रम चन्द विप्लव समूहले गराएको हुनसक्ने प्रहरीको आशंका छ । प्रहरीले घटनाका विषयमा अनुसन्धान सुरु गरेको जनाएको छ ।
विष्फोटबाट टावरमा क्षति पुगेसँगै एनसेलको नेटवर्क बिच्छेद भएको छ ।