काठमाडौं– इंग्ल्याण्ड टेस्ट क्रिकेटमा पाँच लाख रन बनाउने पहिलो राष्ट्र बनेको छ।
शुक्रबार दक्षिण अफ्रिकाविरुद्धको एक हजार २२ औं खेलमा २५ रन बनाएसँगै इग्ल्यान्डले यो उपलब्धि हासिल गरेको हो।
इंग्ल्यान्डपछि टेस्ट क्रिकेटमा सर्वाधिक रन बनाउनको सूचीमा अस्ट्रेलिया छ। अस्ट्रेलियाले चार लाख ३२ हजार सात सय ६ रन बनाएको छ। अस्ट्रेलियाले आठ सय ३० टेस्ट खेलेको छ।
सर्वाधिक रन बनाउने सूचीको तेस्रो स्थानमा भारत छ। भारतले पाँच सय ४० खेलमा दुई लाख ७३ हजार पाँच सय १८ रन बनाएको छ।
त्यस्तै, वेस्ट इंडिजले पाँच सय ४५ खेलमा दुई लाख ७० हजार चार सय ४१ रन बनाएको छ।
इंग्ल्यान्डले सन् १८७७ मार्च १९ मा अस्ट्रेलियाविरुद्ध पहिलो टेस्ट खेलेको थियो। अस्ट्रेलियाको मेलबर्नमा भएको उक्त खेलमा इंग्ल्यान्ड ४५ रनले पराजित भएको थियो।