पूर्वराजा शाह भारततिर

काठमाडौं- पूर्वराजा ज्ञानेन्द्र शाह परिवारसहित भारत यात्रामा निस्केका छन्।

केही महीनादेखि झापामा रहेका पूर्वराजा शाह पत्नी कोमल शाहसहित दार्जिलिङ गएका हुन्।

करिब दुई साताका लागि निस्किएका पूर्वराजा शाहले दार्जिलिङ हुँदै विभिन्न राज्यहरुको भ्रमण गर्ने उनका सञ्चार सचिव डा. फणिराज पाठकले जानकारी दिएका छन्।

मठमन्दिर दर्शनका साथै विभिन्न व्यक्तिहरुसँग पनि भेटघाटको कार्यक्रम रहेको बुझिएको छ।

केही साताअघि नेपाल आएका केदारनाथका मुख्य पुजारीलाई पूर्वराजा शाहले काठमाडौंमै भेटेका थिए।