मेलबर्न– नेपाली लेग स्पिनर सन्दीप लामिछानेको टिम मेलबर्न स्टार ब्रिसबन हिटसँग आज (शनिबार) प्रतिस्पर्धा गर्दैछ।
बिग ब्यास लिगअन्तर्गतको खेलमा आज मेलबर्न र ब्रिसबन भिड्न लागेका हुन्।
खेल नेपाली समय अनुसार दिउँसो १ः५५ बजे सुरु हुने छ।
आजको प्लेइङ इलेबेन सेटमा सन्दीप पर्ने सम्भावना बलियो छ। उनले जारी सिजनमा मेलबर्नले खेलेका १३ खेलमध्ये १२ मा टिममा परेका छन्। ती खेलबाट उनले १४ विकेट लिइसकेका छन्।
उनी यसअघिका दुई खेलमा पनि प्लेइन ११ मा थिए।
जारी सिजनमा मेलबर्न २० अंकसहित शीर्ष स्थानमा छ। मेलबर्नले १३ खेलमध्ये १० मा जित निकालेको छ।