हेल्प नेपाललाई क्लब भलिबलको उपाधि

काठमाडौं - पाँचौ संस्करणको आरबीबी एनभीए राष्ट्रिय पुरुष-महिला क्लब भलिबल च्याम्पियनसिपको पुरुषतर्फको उपाधि हेल्प नेपाल क्लबले जितेको छ। त्रिपुरेश्वरस्थित राखेप कभर्ड हलमा शुक्रबार सम्पन्न खेलमा हेल्प नेपालले एपीएफ क्लबलाई ३-० को सोझो सेटमा पराजित गर्दै उपाधि हात पारेको हो।

हेल्प नेपालले एपीएफमाथि २५-१७,२५-१४ र २५-२० को सेटमा जित निकाल्यो। विजेता हेल्प नेपालले दुई लाख तथा उपविजेता एपीएफले एक लाख प्राप्त गरे।

महिलातर्फको उपाधि भने एपीएफ जितेको छ।