काठमाडौं - सशस्त्र प्रहरीको एपीएफ क्लबले पाँचौ संस्करणको आरबीबी एनभीए राष्ट्रिय महिला-पुरुष क्लब भलिबल च्याम्पियनसिप अन्तर्गत महिलातर्फको उपाधि जितेको छ।
त्रिपुरेश्वरस्थित राखेप कभर्ड हलमा शुक्रबार भएको उपाधि भिडन्तमा न्यु डायमण्ड स्पोर्ट्स क्लबलाई ३-१ को सेटमा पराजित गर्दै एपीएफले महिलातर्फको उपाधि हात पारेको हो। एपीएफले न्यु डायमण्डलाई २५-२३, २५-२१, २३-२५ र २५-१८ को सेटमा पराजित गर्यो।
उपाधिसँगै एपीएफले दुई लाख प्राप्त गरेको छ। उपविजेता बनेको न्यु डायमण्डले एक लाख प्राप्त गर्यो।