प्रधानन्यायाधीश राणाले आज कुनै रिटको सुनुवाइ नगर्ने

काठमाडौं– प्रधानन्यायाधीश चोलेन्द्रशमशेर राणाले आज आइतबार कुनै पनि मुद्दा नहेर्ने भएका छन्। कार्यव्यस्तताको कारण देखाउँदै उनले मुद्दा नहेर्ने भएका हुन्।

राणाको इजलासमा आज तीनवटा महत्वपूर्ण मुद्दाको पेशी तोकिएको थियो। कांग्रेस महाधिवेशन रोक्न माग गरिएको रिट, एमाले अध्यक्ष केपी ओलीले सभामुख, निर्वाचन आयोग र लुम्बिनी प्रदेशका सभामुखलाई विपक्षी बनाएर दायर गरेको रिट र विद्युत् प्राधिकरणमा कुलमान घिसिङको नियुक्तिविरुद्ध हितेन्द्रदेव शाक्यले दायर गरेको रिटको पेसी प्रन्या राणाको इजलासमा तोकिएको थियो।

आज नहुने रिटको सुनुवाइ भोलि सोमबार हुने सर्वोच्चले जनाएको छ।