माछापुच्छ्रे क्यापिटललाई मर्चेन्ट बैंकरको अनुमति

काठमाडौं। चेम्बर भवन, जमल काठमाडौमा मुख्य कार्यालय रहेको माछापुच्छे क्यापिटल लिमिटेडले नेपाल धितोपत्र बोर्डबाट धितोपत्र व्यवसायी (मर्चेन्ट बैंकर) को रुपमा धितोपत्र प्रत्याभूति, लगानी व्यवस्थापन र संस्थागत परामर्श सेवाको कार्य गर्न अनुमति प्राप्त गरेको छ । यस अनुमति पश्चात माछापुच्छे बैंक लिमिटेडको पूर्ण स्वामित्व रहेको सहायक कम्पनी माछापुच्छे क्यापिटल लिमिटेड पनि मर्चेन्ट व्यवसायमा प्रवेश गरेको छ ।
चुक्ता पूँजी २० करोड रहेको माछापुच्छे क्यापिटल लि.ले उपरोक्त सेवाहरु प्रदान गर्नका लागि सम्पूर्ण तयारी गरिसकेको र निकट भविष्यमा सेवा सुचारु गर्ने क्यापिटलका अध्यक्ष सन्तोष कोइरालाले जानकारी दिए । यस संस्थाले निक्षेप सदस्यको रुपमा सेवा प्रदान गर्नुका साथै भविष्यमा म्युचयल फण्ड, भेन्चर क्यापिटल, प्राइभेट इक्वीटी लगायतका सेवाहरु प्रदान गर्नेछ ।