ग्रिजम्यान चम्किँदा बार्सिलोनाको जित

स्पेन– कोपा डेल रे अन्तर्गत बुधबार राति भएको खेलमा बार्सिलोनाले इबिजामाथि जित निकालेको छ।

म्युनिसिपाल डि क्यान मिस स्टेडियममा भएको खेलका बार्सिलोनाले इबिजालाई २–१को गोल अन्तरले हराएको हो।

खेलको ९ मिनेटमै पेप क्याबेलेले गोल गर्दै इबिलाई सुरुवाती अग्रता दिलाएका थिए। उनले जावी पेरेजको पासलाई गोलको दिशा दिएका थिए। पहिलो हाफमा अन्य गोल हुन नसकेपछि बार्सिलोना १ गोलले पछि परेको थियो।

७२औं मिनेटमा गोल गर्दै एन्टोनी ग्रिजम्यानले नतिजालाई बराबरीमा ल्याए। त्यसपछि दबाबमा परेको इबिजाले इन्ज्युरी समयमा अर्को गोलको सामना गर्नुपर्यो। बार्सिलोनाका तर्फबाट दोस्रो गोल पनि ग्रिजम्यानले नै गरे।