सशस्त्र प्रहरीद्वारा अवैध सामग्री बरामद

भैरहवा । सशस्त्र प्रहरी बल रुपन्देहीले सवा लाख रुपैयाँभन्दा बढी मूल्यको कपडा बरामद गरेको छ । भन्सार छली अवैध रुपमा नेपाल भित्र्याइएको उक्त कपडा रोहिणी गाउँपालिका–२ बाट बरामद गरेको सशस्त्र प्रहरी २७ नम्बर गणले बताएको छ ।

गणपति तेज प्रसाद पोखरेलका अनुसार अवैध रुपमा नेपाल भित्र्याइएको कपडा भैरहवा भन्सार कार्यालय पठाइएको छ ।

यसैगरी सशस्त्र प्रहरीको टोलीले मनोहराबाट लु. ४४ प ७३४६ नम्बरको मोटरसाइकलसहित एक लाख ७० हजार मूल्य बरारबको अबैध सामग्री बरामद गरेको छ ।