काठमाडौं - धादिङको निलकण्ठ नगरपालिकामा ट्रक दुर्घटना हुँदा ६ जनाको मृत्यु भएको छ भने २० जनाभन्दा बढी घाइते भएका छन्। ज्वालामुखी गाउँपालिकाको ढोलामण्डलीमा लागेको मेला दर्शन गरेर फर्किँदै गरेका दर्शनार्थी चढेको ग१ख ८०१२ नं को ट्रक मैलीभञ्ज्याङमा दुर्घटनामा परेको धादिङ प्रहरीले जानकारी दिएको छ।
ट्रकमा धेरै यात्रु चढेको र तीव्र गति रहेका कारण अनियन्त्रित भइ ट्रक दुर्घटनामा परेको हुनसक्ने प्रहरी अनुमान छ। ट्रक ज्वालामुखी गाउँपालिकाबाट धादिङबेसी फर्किँदै थियो। मृतकको परिचय खुल्न सकेको छैन भने घाइतेहरुको जिल्ला अस्पताल धादिङमा उपचार भइरहेको छ।