दामनको रिसोर्टमा मृत्यु भएका भारतीय पर्यटकको सनाखत (अपडेट)

काठमाडौं– मकवानपुरको दामनस्थित एभरेष्ट पानारोमा रिसोर्टमा बेहोस भेटिएका आठैजनाको मृत्यु भएको छ।

मृत्यु हुनेमा भारत केरलका ३८ वर्षीय रञ्जित कप, ३५ वर्षीया इन्द्र, ३७ वर्षीय प्रविण, ३२ वर्षीया सरिया, ५ वर्षीय अभी, ७ वर्षीया अर्चना, ५ वर्षीय वैष्णव र ९ वर्षीय बन्द्रा रहेको मकवानपुर प्रहरी प्रमुख एसपी सुशीलसिंह राठौरले जानकारी दिए।

सबैलाई हेलिकोप्टरबाट उद्धार गरेर काठमाडौंको ह्याम्स अस्पतालमा ल्याइएको थियो। काठमाडौं पठाउँदासम्म सबैजना बेहोस अवस्थामै रहेको इलाका प्रहरी कार्यालय पालुङका इन्चार्ज इन्स्पेक्टर विकास तामाङले नेपाल समयलाई जानकारी दिए। उनका अनुसार उनीहरु सोमबार दिउँसो पोखराबाट दामन पुगेका थिए।