सभामुखको उम्मेदवारी दर्ता आज, कांग्रेस अनिर्णित

काठमाडौं- आउँदो माघ १२ गते आइतबार हुने प्रतिनिधि सभाको सभामुख पदको निर्वाचनका लागि आज उम्मेदवारी दर्ता हुँदैछ ।

संसद् भवन बानेश्वरमा बिहान ११ः०० देखि २ः०० बजेसम्म उम्मेदवारी दर्ता गर्न सकिने कार्यतालिका छ । संघीय संसद् सचिवालयका अनुसर आजै दिउँसो साढे २ बजे उम्मेदवारको नामावली प्रकाशन गरिने छ।

आउँदो आइतबार दिउँसो ३ बजे सभामुखको लागि मतदान हुनेछ ।

सभामुखका लागि सत्तारुढ नेकपाबाट अग्नि सापकोटाले उम्मेदवारी दिने भएका छन् भने प्रमुख प्रतिपक्षी दल नेपाली कांग्रेसले अझै उम्मेदवारको टुंगो लगाएको छैन् । कांग्रेस उपसभामुख पाउने पक्का भए सभामुखमा उम्मेदवारी नदिने मनस्थितिमा छ ।

तर, नेकपाले सभामुख आफू लिने र उपसभामुखमा साना दललाई समर्थन गर्ने तयारी गरेको छ । राजपाका उम्मेवार वा राष्ट्रिय जनमोर्चाबाट निर्वाचित दुर्गा पौडेललाई समर्थन गर्ने नेकपाको तयारी छ ।