विहीबार, असार १८, २०७७

समाचार

कोरोना प्रतिकार्यमा खटिने सुरक्षाकर्मी र स्वास्थ्यकर्मीलाई प्रोत्साहन भत्ता

1585274670SS.jpg

सुर्खेत– विश्वलाई नै आतंकित पारिरहेको कोरोना भाइरस रोकथामको लागि कर्णाली प्रदेशमा खटिने सुरक्षाकर्मी र स्वास्थ्यकर्मीले प्रोत्साहन भत्ता पाउने भएका छन् । कर्णाली प्रदेश सरकारले विभिन्न ठाउँमा स्थापना गरिएको हेल्थ डेस्क, क्वारेन्टाइन र आइसोलेसनमा खटिएने सुरक्षाकर्मी र स्वास्थ्यकर्मीहरुलाई प्रोत्साहन भत्ता दिने भएको हो ।

प्रदेश सरकारका प्रवत्ता एवम् भूमि व्यवस्था कृषि तथा सहकारी मन्त्री विमला केसीका अनुसार सुरक्षाकर्मीले ५० र स्वास्थ्यकर्मीले शतप्रतिशत (१००) प्रोत्साहन भत्ता पाउने छन् । ‘कोरोनाको जोखिमसँग लड्ने सुरक्षाकर्मीले सुरु तलबको ५० प्रतिशत र स्वास्थ्यकर्मीलाई शतप्रतिशत प्रोत्साहन भत्ता पाउँछन्,’ मन्त्री केसीले भनिन्, ‘प्रोत्साहन भत्ताले विपदको ज्यानको बाजी थापेर खटिएका सुरक्षा र स्वास्थ्यकर्मीको मनोबल बढ्नेछ ।’

बिहीबार बसेको मन्त्रिपरिषद बैठकले कोरोना रोकथाममा सुरक्षा र स्वास्थ्यकर्मीको सबैभन्दा ठूलो योगदान रहने भन्दै प्रोत्साहन भत्ता दिने निर्णय गरेको हो ।

 

प्रतिक्रिया दिनुहोस्