काठमाडौं- काठमाडौं उपत्यकामा एकै दिनमा २९ वटा सवारी दुर्घटना भएको छ।
शनिबार भएको दुर्घटनामा परेर एकजनाको मृत्यु भएको छ भने १५ जना घाइते भएका छन्। अधिकांश दुर्घटना सवारी चालकको लापरबाहीका कारण भएको ट्राफिक प्रहरीले जनाएको छ ।
यस्तै, काठमाडौं उपत्यकामा ट्राफिक प्रहरीले वितेको २४ घण्टामा १२ सय ३७ चालकलाई कारबाही गरेको छ ।
जसमध्ये एकसय ११ जनाले मादक पदार्थ सेवन (मापसे) गरेर सवारी चलाउनेहरु रहेको महानगरीय ट्राफिक प्रहरी महाशाखाले जानकारी दिएको छ।
फूटपाथमा सवारीसाधन पार्किङ्ग गर्ने १०६, बढी भाडा लिने तथा मिटरमा जान नमान्ने ५५ जना ट्याक्सी चालक र जेब्राक्रसमा साधन रोक्ने २३ जनामाथि कारबाही भएको ट्राफिक प्रहरीले जनाएको छ।