काठमाडौं - नेपाल र भारतका प्रधानमन्त्रीले संयुक्तरुपमाख विराटनगरमा निर्माण भएको एकीकृत जाँच भन्सार बिन्दु (आईसीपी) को उद्घाटन गर्ने भएका छन्। प्रधानमन्त्री केपी शर्मा ओली र भारतीय समकक्षी नरेन्द्र मोदीले संयुक्त रूपमा भिडियो कन्फ्रेन्समार्फत आईसीपीको उद्घाटन गर्ने भएका हुन्। उद्घाटन माघ ७ मा हुने छ।
यस्तै सोही क्रममा भारतीय सहयोगमा निर्माण भएका भूकम्प प्रतिरोधी घरसमेत हस्तान्तरण हुने कार्यक्रम रहेको छ। भारतीय सहयोगमा गोरखामा २७ हजार घर पुनर्निर्माण भएका छन्। भारतले नुवाकोट र गोरखामा गरी ५० हजार निजी आवास निर्माणमा सहयोग गरेको प्राधिकरणले जनाएको छ।