काठमाडौं - सहीद स्मारक 'ए' डिभिजन लिगमा आज दुई खेल हुँदैछन्। दिउँसो १२ बजे एन्फा कम्प्लेक्समा हुने पहिलो खेलमा जावलाखेल युथ क्लब र पुलिस क्लब भिड्ने छन्।
जावलाखेल अंकतालिकाको पाँचौं स्थानमा छ। ९ अंकसहित पाँचौं स्थानमा रहेको जावलाखेलले २ खेल जितेको छ। आजको खेल जितेको खण्डमा उसको तेस्रो स्थानसम्म उक्लने सम्भावना रहन्छ। नेपाल भने ८ अंक जोड्दै तालिकाको सातौं स्थानमा रहेको छ।
आजै ३ बजे सुरु हुने दोस्रो खेल लिगकै सर्वाधिक प्रतिक्षा गरिएको खेलका रुपमा लिइएको छ। शीर्षस्थानको प्रतिस्पर्धामा रहेका मनाङले थ्री स्टार क्लबको सामना गर्ने छ। यो खेल दशरथ रंगशालामा हुने छ।
शुक्रबार(हिजो) सम्पन्न खेलमा मछिन्द्र पराजित भएसँगै मनाङलाई पनि अंकतालिकामा माथि उक्लने अवसर मिल्नेछ। मनाङको १२ अंक छ भने मछिन्द्र र आर्मीको १३ अंक छ। यता १० अंक जोडेको थ्री स्टार क्लबले जित निकालेको खण्डमा उसको पनि १३ अंक हुनेछ। अर्थात् शिर्ष ३ टिमहरुको समान १३ अंक हुनेछ।