बुधबार, असार ३१, २०७७

समाचार

आलु र प्याज कालोबजारी गर्ने तीनजना जनकपुरबाट पक्राउ

1585192197byapari_pakrau.jpg

जनकपुरधाम- सरकारलेआव्हान गरेको लकडाउनको मौका छोपेर तरकारीमा कालोबजारी गर्ने तीनजनालाई प्रहरीले जनकपुरबाट पक्राउ गरेको छ ।

अन्य दिनभन्दा झन्डै दोब्बर मूल्यमा आलु र प्याज बिक्री गरेको भन्दै प्रहरीले बुधबार साँझ उनीहरुलाई जनकपुरबाट पक्राउ गरेको हो।

पक्राउ पर्नेहरुमा जनकपुरधाम–४ बस्ने विकासकुमार साह, अंकित साह र प्रदीप अग्रवाल रहेको जिल्ला प्रहरी कार्यालय धनुषाले जनाएको छ।

पक्राउ परेका उनीहरु खुद्रा व्यवसायी हुन्। उनीहरुले ग्राहकलाई प्याज प्रतिकेजी ८० र आलु प्रतिकेजी ५० रुपैयाँमा बिक्री गरेको पाइएपछि नियन्त्रमा लिइएको जिल्ला प्रहरी कार्यालय धनुषाका डीएसपी रामेश्वर कार्कीले जानकारी दिएका छन्।

साहद्धयलाई महावीर चोक र अग्रवाललाई भूतनाथ मन्दिर नजिकबाट पक्राउ गरिएको कार्कीले बताए।

पक्राउ परेका उनीहरुले थोक विक्रेतालेनै महँगोमा बेच्ने गरेकोले आफूहरुलाई पनि बढी मूल्य लिएर बेच्नु परेको बताएका छन्।

लकडाउन भएपछि आपूर्तीमा कमी भएको बहाना बनाउँदै थोक बिक्रेताहरु बढी मूल्य लिएर कालोबजारी गरेको उपभोक्ताहरुले आरोप लगाएका छन्।

कालोबजारी नियन्त्रण गर्न प्रहरी सक्रिय भएर लागेको डीएसपी कार्कीले बताए।

प्रतिक्रिया दिनुहोस्