बुधबार, जेठ १४, २०७७

समाचार

'कोरोनाविरूद्ध देशहरूको एक्लाएक्लै लडाइँ पर्याप्त हुँदैन'

1585191127United-Nations.jpg

काठमाडौं– संयुक्त राष्ट्रसंघका महासचिव एन्टोनियो गुटेरसले कोरोना भाइरस (कोभिड–१९) विरुद्ध देशहरूको एक्लाएक्लै लडाइँ पर्याप्त नहुने बताएका छन्।

उनले कोभिड–१९ महामारी मानवजगतका लागि खतरा भन्दै त्यसविरुद्ध सम्पूर्ण व्यक्ति र देश लागिपर्नुपर्ने बताएका हुन्।

महासचिव गुटेरसले भनेका छन्, “यो महामारीलाई बलिया र विकसित देशले नियन्त्रण गरेर मात्रै हुँदैन, विकासोन्मुख र अल्पविकसित देशबाट पनि निर्मुल पार्नुपर्छ।”

उनले केही देशले मात्रै नियन्त्रणमा लिंदा यसले अर्कोपटक महामारीको रुप लिनसक्ने चेतावनी दिएका छन्। उनी भन्छन्, “त्यसैले यो आधा मात्रै लडेर छोड्न मिल्ने खालको लडाइँ होइन।”

यसअघि अल्पविकसित र जोखिमपूर्ण देशहरूका लागि राष्ट्रसंघले दुई अर्ब डलरको कोष बनाएको छ।

 

प्रतिक्रिया दिनुहोस्