स्वास्थ्य सचिव चौधरीको राजीनामा ३ महिनापछि स्वीकृत

काठमाडौं– स्वास्थ्य तथा जनसंख्या मन्त्रालयकी सचिव डा. पुष्पा चौधरीले पदबाट दिएको राजीनामा स्वीकृत भएको छ । गत सोमबार बसेको मन्त्रीपरिषद् बैठकले चौधरीले राजीनामा स्वीकृत गरेको हो ।

विश्व स्वास्थ्य संगठन कन्ट्री अफिस भारतका लागि जागिर सुनिश्चित भएपछि चौधरीले गत कात्तिक १३ मा राजीनामा दिएकी थिइन् । तर, अहिलेसम्म उनको राजीनामा स्वीकृत भएको थिए । चौधरी भने कात्तिक ३ गतेबाटै डब्लुएचओमा हाजिर भइसकेकी थिइन् । सरकारले राजीनामा स्वीकृत गर्न नमानेपछि उनले पुनः अनुरोध गरेकी थिइन् ।

मन्त्रालयका प्रवक्ता महेन्द्र श्रेष्ठका अनुसार मन्त्रीपरिषदले सचिवको राजीनामा स्वीकृत गरेको जानकारी मन्त्रालयलाई प्राप्त भइसकेको छ । चौधरीले राजीनामा दिएदेखि स्वास्थ्य मन्त्रालय सचिवविहीन छ ।