सोमबार, जेठ १२, २०७७

समाचार

धरानमा विदेशबाट आएकाको खोजी तीव्र

1575263704dharan-ns.jpg

इटहरी- धरान उपमहानगरपालिकाले विगत दुई सातामा विदेशबाट आएका व्यक्तिको खोजी गर्न थालेको छ। कोरोना संक्रमणको जोखिम न्यूनीकरणका लागि गृह मन्त्रालयको निर्देशनपछि उपमहानगरले तथ्यांक संकलन गर्न थालेको हो।

उपमहानगरपालिकाले तीन दिनअघि वडा कार्यालयमा १५ दिनभित्र घर फर्किएका व्यक्तिहरुको खोजी गरेर जानकारी गराउन पत्राचार गरेको थियो।
पत्र पाएपछि वडाहरुले विदेशबाट आएकाहरुको तथ्यांक संकलन धमाधम गरिरहेका छन्।

‘मन्त्रालयले १५ दिनभित्र विदेशबाट आएकाहरुको विवरण पठाउन भनेपछि वडामा पत्राचार गरेर चाँडो पठाउन भनेका छौं,’ उपमहानगरपालिकाका वरिष्ठ प्रशासकीय अधिकृत गणेशप्रसाद खतिवडाले भने।

वडाहरुमा विदेशबाट आएकाहरु भेटिएको र उनीहरु होम क्वारेन्टाइनमा पनि नभएको पाइएको छ। यसले कोरोना संक्रमणको जोखिम बढेकाे भन्दै जनप्रतिनिधि चिन्तित छन्।

प्रतिक्रिया दिनुहोस्