काठमाडौं– प्रमुख प्रतिपक्षी दल नेपाली कांग्रेसको संसदीय दलको बैठक आज (शुक्रबार) बस्दैछ।
बैठक सिंहदरवारस्थित संसदीय दलको कार्यालयमा दिउँसो १ बजे बस्न लागेको हो।
सभामुख चयनमा देखिएको विवादले रोकिएको संसद्लाई यथाशीघ्र सञ्चालन गर्न प्रतिपक्षी दलको भूमिकाका बारेमा छलफल गर्न बैठक बोलाइएको कांग्रेसले जनाएको छ।
नेकपाले सभामुखको उम्मेदवार छान्न नसक्दा संसद् ‘बन्धक’ बनाएको कांग्रेसको आरोप छ।
नेकपाले सभामुखको उम्मेदवार छान्न नसक्दा पुसयता तीन पटक संसद् स्थगित भइसकेको छ।