पोर्चुगलमा समुन्द्रमा डुबेर दुई नेपाली दाजुभाइको मृत्यु

पोर्चुगलमा दुई नेपाली दाजुभाइको समुन्द्रमा डुबेर मृत्यु भएको छ। समुद्री किनारमा माछा मार्न जाँदा छालले बगाएर धादिङ घर भएका दाजुभाइ श्याम वाइवा तामाङ र कमल वाइवा तामाङको मृत्यु भएको हो ।

पोर्चुगलको कास्काइसको बोका डो इन्फर्नो क्षेत्रमा माछा मार्न गएका दाजुभाइलाई समुन्द्री छालले बगाउँदा बेपत्ता भएका थिए । नौ महिनाअघि पोर्चुगल पुगेका उनीहरुले रेस्टुरेन्ट व्यवसाय सञ्चालन गर्दै आएका थिए ।

दुबै शवको अन्त्येष्टि पोर्चुगलमै गर्ने वा नेपाल पठाउने भन्ने निर्णय भई नसकेको तामाङ समाज पोर्चुगलका अध्यक्ष सुनिता ब्लोन तामाङले जानकारी दिइन् ।