काठमाडौं- नेपाल प्रहरीले ठूलो संख्या प्रहरी निरीक्षक र प्रहरी सहायक निरीक्षकको माग गरेको छ।
प्रहरीको भर्ना छनौट महाशाखाले जनाजनपद समूह तर्फको रिक्त ७ सय ३३ पदमा आवेदन माग गरेको हो । शुक्रबार एक सूचना जारी गर्दै प्रहरीले समावेशी आधारमा १ सय ४९ जना इन्सपेक्टर र ५ सय ८४ जना असई माग गरेको हो।
जस अनुसार खुला तर्फ ८० जना इन्सपेक्टर र असई तर्फ ३ सय १५ जना माग गरेको छ।
यी पदका लागि सातै प्रदेशका प्रहरी मुख्यालय र महानगरीय प्रहरी कार्यालय रानीपोखरीबाट दरखास्त दिन सकिने प्रहरी प्रधान कार्यालयले जनाएको छ।
फारम फागुन ३० गतेसम्म भर्न सकिने सूचनामा उल्लेख छ । फारम शूल्क इन्सपेक्टरका लागि एक हजार र असईका लागि तीन सय रुपैयाँ तोकिएको छ ।