बुधबार, चैत १९, २०७६

समाज

राजधानीका २० ठाउँमा हात धुने व्यवस्था

राजधानीका २० ठाउँमा हात धुने व्यवस्था

काठमाडौ– काठमाडौं उपत्यका खानेपानी लिमिटेड (केयुकेएल) ले उपत्यकाका बढी भीडभाड हुने २० स्थानमा हात धुनका लागि पानीको व्यवस्थापन गरेको छ।

कोरोना भाइरसको जोखिम बढेसँगै बसपार्क, तरकारी बजार, मुख्य चोकलगायत स्थानमा पानीको व्यवस्थापन गरिएको लिमिटेडले जनाएको छ।

उपत्यकामा आवश्यक अरु स्थानमा समेत यो सेवा विस्तार गरिने लिमिटेडका प्रमुख कार्यकारी अधिकृत मिलन शाक्यले बताए। ती स्थानमा ५०० लिटर पानीसँगै हात धुने साबुनको व्यवस्था गरिएको छ।

प्रशोधित पानी नियमित रूपमा उपलब्ध गराइने उनको भनाइ छ। ट्याङ्कीमा पानी खाली भए–नभएको हेर्ने जिम्मेवारी कर्मचारीलाई दिइएको छ। उनले भने, “स्थानीयवासीले पनि आफ्नो क्षेत्रमा रहेको ट्याङ्कीमा पानी भए/नभएको जानकारी गराउन सक्छन् ।” -रासस

प्रतिक्रिया दिनुहोस्