कञ्चनपुर– सुदूरपश्चिम र कर्णाली प्रदेशमा छाउगोठ भत्काउने अभियान चलिरहँदा जिल्लाको शुक्लाफाँटा नगरपालिकाले पनि अभियान थालेको छ।
अभियान थालेको पहिलो दिन नगरपालिकाको वडा नम्बर ४ मा ११ वटा छाउगोठ भत्काइएको नगरपालिकाले जनाएको छ।
कञ्चनपुरका प्रमुख जिल्ला अधिकारी सुशील वैद्यले छाउपडी हटाउन सबैको साथ र सहयोग आवश्यक रहेको बताए।
कार्यक्रममा नगरपालिकाका नगर प्रमुख दिलबहादुर ऐर, जिल्ला प्रहरी कार्यालय, कञ्चनपुरका प्रहरी नायब उपरीक्षक मुकुन्द मरासैनी, सशस्त्र प्रहरीका प्रहरी उपरीक्षक वीरबहादुर साहुले अभियानलाई निरन्तता दिइने जानकारी दिए।