खेलाडी सम्मान गर्न प्रशिक्षक वज्राचार्यको स्मृतिमा कोष बनाइँदै

काठमाडौं- नेपाल फुलकन्ट्याक्ट कराते महासंघले खेलाडीहरूलाई सम्मान गर्नका लागि क्योकुसिन कराते प्रशिक्षक रामजीप्रसाद वज्राचार्यको स्मृतिमा कोष खडा गर्ने तयारी गरेको छ। 

शनिबार भएको अन्तर्क्रिया कार्यक्रममा कोरोना भाइरस (कोभिड–१९) का कारण दिवंगत प्रशिक्षक वज्राचार्यको स्मृतिमा कोष स्थापनाका लागि प्राप्त आर्थिक सहयोगबारे जानकारी गराइएको थियो। 

कोषमा जम्मा हुने रकमको ब्याजबाट प्रत्येक वर्ष क्योकुसिन करातेका एक पुरुष/महिला खेलाडीलाई पुरस्कृत गर्ने योजना महासंघले बनाएको छ।