काठमाडौं- मोरङ र महोत्तरीमा करेन्ट लागेर २ जनाको मृत्यु भएको छ। मृत्यु हुनेमा मटिहानी नगरपालिका-२ बर्दाहा माइतीघर बस्ने लोहारपट्टी नगरपालिका-७ कबिरगामा घर भएकी २८ वर्षीया शोभा यादव छिन्। शुक्रबार दिउँसो करेन्ट लागेपछि उनको मृत्यु भएको हो।
पानी तान्ने मोटर चलाउन क्रममा करेन्ट लागेर गम्भीर घाइते भएकी उनलाई उपचारको लागि प्रादेशिक अस्पताल जनकपुरतर्फ लैजाने क्रममा बाटोमै मृत्यु भएको हो।
उता मोरङको विराटनगर महानगरपालिका-१७ स्थित रघुपति जुट मिलमा काम गर्ने क्रममा करेन्ट लागेर अर्का एक व्यक्तिको मृत्यु भएको छ।
विराटनगर-१८ खोक्साहा बस्ने २८ पप्पुकुमार मण्डलको शुक्रबार दिउँसो मृत्यु भएको प्रहरीले जानकारी दिएको छ। करेन्ट लागेर गम्भीर घाइते भएका उनको कोशी अस्पताल विराटनगरमा उपचारको क्रममा मृत्यु भएको हो।
यस सम्बन्धमा प्रहरीले आवश्यक अनुसन्धान गरिरहेको छ।