काठमाडौं- अख्तियार दुरुपयोग अनुसन्धान आयोगले नेपाल प्रहरीका एक जना नायव निरीक्षक र शिक्षिकका विरुद्ध भ्रष्टाचारको मुद्दा दायर गरेको छ।
इलाका प्रहरी कार्यालय यज्ञभूमि धनुसामा कार्यरत प्रहरी नायब निरीक्षक कालिचरण पंजियार र श्री जन जौ कुमारी शाही प्राथमिक बिद्यालय तनहुँमा कार्यरत शिक्षिका अनिता पोखरेल वाग्लेविरुद्ध विशेष अदालतमा मुद्दा दायर गरेको हो।
पंजियारलाई सवारी दुर्घटनामा क्षतिपूर्ति दिलाई दिएबापत सेवाग्राहीबाट लिएको १५ हजार घुससहित अख्तियारको टोलीले रंगेहात पक्राउ गरेको थियो।
यस्तै शिक्षिका वाग्लेले माध्यामिक शिक्षा परिषद् क्षेत्रीय कार्यालय वाराणसी भारतबाट उच्च माध्यामिक परीक्षा उत्तिर्ण गरेको शैक्षिक योग्यताको नक्कली प्रमाणपत्र पेश गरी जागिर खाएको खुलेको अख्तियारले जनाएको छ।
२०५६ मंरि १० गते गतेदेखि प्राथमिक शिक्षकको रुपमा अस्थायी नियुक्ति लिई २०७५ चैत्र ८ गते सम्म कार्यरत रही सार्वजनिक पदको लाभ तथा सुविधा प्राप्त गरेको भन्दै अख्तियारले शुक्रबा र मुद्दा दायर गरेको हो।