आइतबार, चैत १६, २०७६

समाचार विदेश

साउदी अरबमा जहाज, रेल, बस, ट्याक्सी सबै बन्द

साउदी अरबमा जहाज, रेल, बस, ट्याक्सी सबै बन्द

काठमाडौं- कोरोनाको महामारी फैलिएपछि साउदी अरबले देशभित्रका सबैखाले सवारी साधन बन्द गर्ने भएको छ ।

भोलि (शनिबार) बाट लागू हुने गरी १४ दिनसम्मका लागि सबै हवाइ सेवा, रेल, बस र ट्याक्सी बन्द गर्ने भएको समाचार संस्था रोयटर्सले जनाएको छ ।

कोरोना भाइरसको संक्रमण नफैलिओस् भन्नका लागि यस्तो सावधानी अपनाएको साउदी सरकारलाई उदृत गर्दै रोयटर्सले लेखेको छ ।

साउदीले यसअघि नै विभिन्न देशबाट आउने अन्तर्राष्ट्रिय उडान बन्द गरिसकेको छ।

साउदी अरबमा अहिलेसम्म २ सय ७४ जनामा कोरोना भाइरसको संक्रमण देखिए पनि कसैको मृत्यु भने भएको छैन।

 

 

प्रतिक्रिया दिनुहोस्