काठमाडौं - नारायणगढ-मुग्लिन सडकखण्ड आजदेखि (बिहीबार) पूर्ण रुपमा खुलेको छ। गत मंसिर २७ गतेदेखि पहिरो रोकथाम गर्न 'स्लोप ट्रिमिङ' कार्यका लागि आंशिक रुपमा बन्द हुँदै आएको सडक आजदेखि पूर्णरुपमा सञ्चालनमा आएको हो।
मर्मतका लागि बिहान ११ बजेदेखि दिउँसो ३ बजेसम्म सडकमा सवारी आवागमन बन्द गरिएको थियो।
बुधबारको मौसम अनुकुल नभएकोले काम गर्न नसकिएको जानकारी दिँदै नारायणगढ-मुग्लिन सडक आयोजनाले केही बचेका काम ट्राफिक व्यवस्थापन मिलाउँदै गरिने जानकारी दिएको छ।