बुधबार, असोज ७, २०७७

बजार
1584522750group_selfie.jpg

काठमाडौं । ओपोले नेपालमा आफ्नो नयाँ ह्याण्डसेट ओपो एफ१५ सार्वजनिक गरेको छ । कम्पनीले नेपालमा पहिलो पटक आयोजित ओपोको अनलाइन लञ्च ईभेन्ट मार्फत फोन सार्वजनिक गरेको हो ।

४८एमपी अल्ट्रा वाइड एंगल माक्रो क्वाडक्याम र सुपर स्लिक डिजाइन सहितको ओपो एफ१५ले ह्याण्डसेट मार्फत नै प्रयोगकर्तालाई ब्यवसायिक फोटोग्राफी झैँ अनुभव प्रदान गर्ने कम्पनीले बताएकोे छ।

एफ सिरिजको डिजाइन नै युवा पुस्तालाई सुदृढ दृश्यानुभुति, गुणस्तर, टेण्डिनेस र जीवनमा सहजताको अनुभव प्रदान गर्न गरिएको हो । यसले गर्दा सुरुवाती दिनदेखि नै एफ सिरिजले निकै माया पाउन सफल रहेको कम्पनीको भनाइ छ ।

ओपो एफ१५को आगमनले बजारको आवश्यकता दृष्टिगत गर्दै ट्रेण्डि डिजाइनमै अत्याधुनिक प्राविधिक विकास पस्कने एफ सिरिजको परम्परालाई निरन्तरता दिँदै नयाँ युगको सुरुवात भएको छ ।

सुरुवातदेखि नै ओपो मोबाइल फोटोग्राफी अनुभवमा परिस्कृतिकरणका लागि प्रयासरत छ । स्लिक प्याकेजमा उपलब्ध ओपो एफ१५मा कम्पनीले ४८एमपी अल्ट्रा वाइड एंगल माक्रो क्वाडक्याम उपलब्ध गरेको छ । फोनको मूल्य श्रेणीमा उपलब्ध उत्पादनहरु मध्य नै यसको क्यामेरा उच्च क्षमताको हुनुका साथै अल्ट्रा प्रोफेसनल शट्स दिने क्षमता राख्छ ।

ओपो एफ१५मा रहेको फिंगरप्रिन्ट अनलक ३.०ले उपकरणलाई मात्र ०.३२ सेकेण्डको अवधिमा अनलक गर्छ । यो पछिल्लो पुस्ताका प्रविधिका तुलनामा ४५ प्रतिशतले तिव्र हो । यसका लागि नयाँ प्रविधिको हार्डवेयर र सफ्टवेयर दूबै पक्षमा विशेष सुधार गरिएको छ ।

८ जीबी र्याम र १२८जीबी रोम सुसज्जित ओपो एफ१५ले स्मूथ अनुभवका साथै पर्याप्त स्टोरेज उपलब्ध गराउँछ । भोक फ्ल्याश चार्ज ३.० सहितको ओपो एफ१५ले मात्र ५ मिनेटको समयमा १०% र ३० मिनेटमा ५०% चार्ज दिने क्षमता राख्छ । पछिल्लो भोक २.०का तुलनामा यो २६%ले तिब्र छ ।

मूल्य रु. ३९ हजार ९ सय ९० निर्धारण गरिएको ओपो एफ१५ चैत १० गतेदेखि नेपाली बजारमा उपलब्ध हुनेछ । नयाँ फोन यूनिकर्न ह्वाइट र लाईटनिङ ब्ल्याक गरी दुई रंगमा उपलब्ध गरिने कम्पनीले जानकारी दिएको छ ।

प्रतिक्रिया दिनुहोस्