काठमाडौं –लिभरपुलका सेडियो मानेले अफ्रिकी वर्ष खेलाडीको अवार्ड जितेका छन्।
कन्फेडेरेसन अफ अफ्रिकन फुटबल (काफ) ले प्रदान गरेको अवार्डमा मानेले लिभरपुलका सहयात्री मोहम्मद सालाह र म्यानचेस्टर सिटीका विंगर रियाद माहरेजलाई पछि पारेर अवार्ड जितेका हुन्।
मानेले गत सिजन लिभरपुलबाट ३० गोल गरेका थिए भने क्लबलाई च्याम्पियन्स लिगको उपाधि जिताउन महत्त्वपूर्ण भूमिका खेलेका थिए। उनले यस सिजन लिभरपुलबाट १५ गोल गरिसकेका छन्। लिभरपुल अहिले इङ्लिस प्रिमियर लिगमा १३ अंकसहित शीर्ष स्थानमा छ।