सोमबार, जेठ १२, २०७७

समाचार

प्रदेश–५ को रिक्त सांसदमा दाङका गिरी निर्वाचित

1584335253shannkar_giri.jpg

भैरहवा । प्रदेश ५ मा रिक्त सांसदमा दाङका शंकर गिरी निर्वाचित भएका छन् । विपक्षी दलका नेता समेत रहेका नेपाली कांग्रेसका सांसद बलदेव शर्मा पोख्रेलको निधन भएपछि उक्त स्थान रिक्त रहँदै आएको थियो ।

प्रदेश सभामा समानुपातिकतर्फ एक सदस्य पद रिक्त थियो । रिक्त पदमा नेपाली कांग्रेसको सिफारिसमा गिरीलाई नियुक्त गरिएको हो। निर्वाचन आयोगले गिरीलाई आइतबार निर्वाचित भएको घोषणा गरेको र छिट्टै राजपत्रमा प्रकाशित गर्ने आयोगका प्रवक्ता राजकुमार श्रेष्ठले बताए ।

निर्वाचन आयोगले प्रदेश प्रमुखलाई जानकारी गराएपछि प्रदेश प्रमुख कार्यालयले प्रदेश सभालाई जानकारी दिने छ। सभामुखबाट सपथ ग्रहण लिएपछि गिरीले प्रदेशसभामा औपचारिक रुमा प्रवेश गर्ने छन् । २०७४ सालको चुनावमा प्रदेश सभातर्फ समानुपातिक सूचीमा रहेपनि २ वर्षपछि मात्र प्रदेश सभा प्रवेश गने अवसर पाएका हुन् ।

प्रतिक्रिया दिनुहोस्