काठमाडौं– कर्तव्य ज्यान मुद्दामा फरार रहेका एक प्रतिवादी पक्राउ परेका छन्।
जिल्ला प्रहरी कार्यालय, पर्साको टोलीले सखुवाप्रसौनी गाउँपालिका–८ का अन्दाजी ५० वर्षीय दरौगा मिया धुनियालाई शनिबार पक्राउ गरेको हो।
उनलाई गाउँघरमा लुकिछिपी बसिरहेको अवस्थामा पक्राउ गरी आवश्यक कारवाहीका लागि जिल्ला अदालत, पर्सा पठाइएको प्रहरीद्वारा जारी विज्ञप्तिमा उल्लेख छ।
जिल्ला अदालतले गत जेठ १४ गते उनलाई कर्तव्य ज्यान मुद्दामा दोषी ठहर गरी १० वर्ष कैद सजाय सुनाएको थियो।