हिमपातले विद्युत र सञ्चार सेवा अवरुद्ध

डडेलधुरा– भारी हिमपातका कारण जिल्ला सदरमुकामसहित ग्रामीण बस्ती सञ्चार र विद्युतविहीन बनेको छ।

हिमपातका कारण जिल्लामा बिहीबारदेखि विद्युत र सञ्चार सेवा अवरुद्ध बनेको हो।

नेपाल टेलिकम, डडेलधुराका शिवराज बोहराले हिमपातले अवरुद्ध बनेको सञ्चार सेवालाई सुचारु गर्ने पहल भइरहेको जानकारी दिए।

नेपाल विद्युत प्राधिकरण वितरण केन्द्र, डडेलधुराले विद्युत सेवा सुचारु गर्ने पहल भइरहेको जनाएको छ।

विद्युत् अवरुद्ध हुँदा जिल्लाको गन्याधुरा गाउँपालिका, नवदुर्गा गाउँपालिका, अमरगढी नगरपालिका, परशुराम नगरपालिका, आलिताल र भागेश्वर गाउँपालिका तीन दिनदेखि अन्धकारमय बनेको छ।