बुधबार, चैत १९, २०७६

समाज

दरबारमार्गमा ट्राफिकलाई घुस दिन खोज्ने ब्यक्ति प्रहरी फन्दामा

दरबारमार्गमा ट्राफिकलाई घुस दिन खोज्ने ब्यक्ति प्रहरी फन्दामा

काठमाडौं- ट्राफिक प्रहरीलाई घुस दिन खोज्ने एक ब्यक्तिलाई प्रहरीले पक्राउ गरेको छ ।

आवश्यक कागपत्र बिना मोटरसाइकल चलाइरहेका प्रेमनाथ सेढाईंले चार हजार रुपैयाँ घुस दिन खोजेपछि उनलाई प्रहरीले पक्राउ गरेको महानगरीय ट्राफिक प्रहरी महाशाखाले जनाएको छ ।

दरबारमार्गमा ड्युटीमा खटिएका प्रहरीले बा २८ प ४०४२ नम्बरको मोटरसाइकल जाँच गर्ने क्रममा चालक सेढाईंले प्रहरीलाई घुस दिन खोजेका थिए ।
उनले डिउटीमा खटिएको ट्राफिक प्रहरीलाई नगद ४ हजार रुपैयाँ दिई कानुनी कारवाहीबाट बच्न खोज्दा शनिवार ट्राफिक प्रहरीले पक्राउ गरेको हो ।

यस सम्बन्धमा ट्राफिक प्रहरीले आवश्यक अनुसन्धानका लागि चालक र सवारी साधनसहित महानगरीय प्रहरी वृत्त,कालिमाटीमा बुझाएको महानगरीय ट्राफिक प्रहरी महाशाखाले जनाएको छ ।

प्रतिक्रिया दिनुहोस्