क्रिकेटर केशव सिंहको निधन

डडेल्धुरा- डडेल्धुराका लोकप्रिय क्रिकेटर केशव सिंहको २७ वर्षको उमेरमा निधन भएको छ।

कलेजो र फोक्सोको क्यान्सरबाट पीडित उनको गृह जिल्ला डडेल्धुरामा निधन भएको हो।

आलिताल गाउँपालिका–६ का केशव धनगढीमा बस्दै आएका थिए। केहि दिन अगाडि गृह जिल्ला गएका बेला उतै उनको निधन भएको हो।

क्षेत्रीय स्तरको क्रिकेट खेलेका सिंहले भारतको दिल्लीस्थित राजीव गान्धी अस्पतालमा क्यान्सरको उपचार गराएका थिए।

तर, आर्थिक अवस्था कमजोर भएकाले पूर्ण रुपमा उपचार हुन नसकेपछि केशव बचाउ अभियान पनि थालिएको थियो। क्रिकेटर सिंहको निधनले जिल्लाका खेलप्रेमी तथा सहकर्मीहरु स्तब्ध भएका छन्।