काठमाडौं– इंग्लिस प्रिमियर लिग फुटबलमा लिभरपुलले सेफिल्ड युनाइटेडलाई पराजित गरेको छ।
बिहीबार राति घरेलु मैदानमा भएको खेलमा लिभरपुलले सेफिल्डमाथि २–० को जित निकाल्यो। लिभरपुललाई जित दिलाउन सादियो माने र मोहमद सलाहाले समान १ गोल गरे।
जितपछि लिभरपुलले २० खेलबाट ५८ अंक बनाएको छ। यससँगै लिभरपुलले तालिकाको शीर्ष स्थानमा १३ अंकको अग्रता लिएको छ।
सेफिल्ड भने २९ अंकसहित तालिकाको आठौं स्थानमा छ।
अंकतालिकामा लेस्टर सिटी दोस्रो स्थानमा छ। उसले २१ खेलबाट ४५ अंक बटुलेको छ। यस्तै, म्यानचेस्टर सिटी ४४ अंकका साथ तेस्रो स्थानमा छ।
एजेन्सी