काठमाडौं– कतार एयरवेज सहिद स्मारक ‘ए’ डिभिजन लिगअन्तर्गत चौथो चरणका खेल सकिँदा साविक विजेता मनाङ मर्स्याङ्दी क्लब शीर्ष स्थानमा यथावत छ।
साविक बिजेता मनाङको ४ खेलबाट १० अंक छ। जारी सिजनमा अपराजित रहेको मनाङले ३ खेलमा जित हात पार्दा १ मा बराबरी खेलेको छ।
लिगको तेस्रो चरणका खेल सकिँदा मनाङ अंकतालिकामा शीर्ष स्थानमा थियो।
मछिन्द्र क्लब अंकतालिकामा दोस्रो स्थानमा छ। जारी सिजनमा मनाङको जस्तै नतिजा निकालेको मछिन्द्रको भने ९ अंक मात्रै छ। गत सिजनमा रेलिगेसन परेका कारण उसको १ अंक खोसिएको हो।
लिगको तेस्रो चरण सकिँदा मनाङ तेस्रो स्थानमा थियो।
अंकतालिकामा विभागीय त्रिभुवन आर्मी तेस्रो, जाउलाखेल युथ चौथो, नेपाल पुलिस पाँचौं र थ्री स्टार क्लब छैटौं स्थानमा छन्। चौथो चरणमा थ्री स्टार ४ स्थान तल झरेको छ।
तेस्रो चरण सकिँदा थ्री स्टार दोस्रो स्थानमा थियो।
यस्तै, ब्रिगेड ब्वाइज सातौं, न्युरोड टिम (एनआरटी) आठौं, च्यासल युथ नवौं, एपीएफ दसौं, संकटा एघारौं, हिमालयन शेर्पा बाह्रौं र फ्रेन्डस क्लब तेह्रौं स्थानमा रहँदा र सरस्वती युथ क्लब पुछारमा छ।
प्रतियोगितामा हिमालयन शेर्पा, फ्रेन्डस र सरस्वती क्लब जितविहीन छन्।
पाँचौ चरणका खेल शनिबार (भोलि)देखि सुरु हुनेछन्।