भ्रमण वर्ष उद्‍घाटनका झाँकी (तस्बिरहरु)

काठमाडौं– नेपाल भ्रमण वर्ष २०२० औपचारिक रुपमा बुधबारबाट सुरु भएको छ। बुधबार साँझ दशरथ रंगशालामा आयोजित समारोहमा राष्ट्रपति विद्यादेवी भण्डारीले भ्रमण वर्ष सुरु भएको घोषणा गरिन्।

समारोहमा विभिन्न सांस्कृतिक झाँकी प्रस्तुत गरिएको थियो। भ्रमण वर्ष उद्घाटनको अवसरमा कुटुम्बले विभिन्न धुन बजाएको थियो ।
कार्यक्रमको सुरुवातमा नेपाली सेनाले राष्ट्रगानको धुन बजाएको थियो भने विभिन्न राष्ट्रिय गीतको धुन बजाएको थियो।

त्यसपछि पशुपति क्षेत्र विकास कोषका १०८ बटुकले स्वस्ति बाचन गरेका थिए भने १०८ जना भिक्षुहरुले बौद्ध परम्परागतको मन्त्रोच्चारण गरेका थिए।

त्यसपछि इसाई, इस्लाम लगायतका ७ वटा धर्मको मन्त्र उच्चारण सहित कार्यक्रम सुरु गरिएको थियो।