शनिबार, चैत १५, २०७६

खेलकुद

काठमाडौं जिल्ला छनोट प्रतियोगितामा बालुवाटार विजयी

काठमाडौं जिल्ला छनोट प्रतियोगितामा बालुवाटार विजयी

काठमाडौं - क्यानले फागुन अन्तिमसम्ममा जिल्ला छनोट सक्नको लागि निर्देशन दिएपछि २० फागुनबाट सुरु भएको काठमाडौंको छनोट खेलहरु बिहीबार सकिएका छन्। फाइनलमा बालुवाटार क्लबले महाविर क्लबलाई ५ विकेटले हराएसँगै खेल सकिएको हुन्।

छनोट खेलको फाइनमा १५९ रनको लक्ष्य पछ्याएको बालुवाटारले ३८.४ ओभर खेल्दै ४ विकेटको क्षतिमा लक्ष्य पूरा गर्‍यो।

टस हारेर ब्याटिङ गरेको महवीरकातर्फबाट रविन जोशीले २१ रन बनाए भने विभत्सु थापाले सर्वाधिक ६७ रनको योगदान दिए। त्यस्तै दिपेन्द्र मैनालीले २३ र सन्जम रेग्मीले अविजित २५ रन बनाए। अन्य खेलाडीले दोहोरो अंकमा रन बनाउन सकेनन्। बालुवाटारका तर्फबाट सोनु तामाङले ४ विकेट लिए भने सुमन उदयाले ३ विकेट लिए।

जवाफी ब्याटिङमा आएको बालुवाटारका तर्फबाट सोनु तामाङले अविजित ५२ रनको पारी खेले त्यस्तै सुमन उदय ५० रनमा पेवेलियन फर्किए। प्रविन जोशीले २२ रन बनाए। क्लबले १९ रन अतिरिक्त पाएको थियो। महाविरका लागि चन्द्र कुमार बुढा, ज्योती भण्डारी, दिपेन्द्र मैनाली र जितेन्द्र सिंह ठकुरीले एक/एक विकेट लिए।

यस्तो रह्यो छनोट

जिल्ला समितीले फागुन १८ गते एक सूचना जारी गर्दै २० गतेबाट खेलको टाईसिट सार्वजनिक गरेको थियो। जसअनुसार पहिलो दिन दुई खेल भए। पहिलो खेलमा न्यू भिजन क्लबले नरेस चन्दको शतकमा पुष्पलाल स्पोर्टस क्लबलाई २०५ रनले हरायो। त्यस्तै दोस्रो खेलमा बालुवाटार क्रिकेट क्लबले एन्जल्स स्पोर्टस एकेडेमीलाई ३ विकेटले हराएको थियो।

दोस्रो दिनको पहिलो खेलमा यन्जल क्रिकेट एकेडेमीले महाविर क्लबलाई १० विकेटले हरायो भने दोस्रो खेलमा ग्रेट हिमालयन क्रिकेट एकेडेमीले फरएभर क्रिकेट बोइज क्लबलाई ८७ रनले हरायो।

तेस्रो दिनको पहिलो खेलमा नेक्ससले पुष्पलाल स्पोर्टस क्लबलाई १२० रनले हरायो। त्यस्तै अर्को खेलमा एन्जल क्रिकेट एकेडेमीले काठमाडौं क्रिकेट ट्रेनिङ सेन्टरसँग २० रनको हार ब्यहोर्‍यो।

चोथौ दिनको खेलमा ओएसिस एकेडेमीले यन्जल क्रिकेट क्लबलाई २१ रनले हरायो। त्यही दिनको दोस्रो खेलमा ग्रेट हिमालयन क्रिकेट एकेडेमीले डिएल मेथडबाट फरएभर क्रिकेट बोइज क्लबलाई ४४ रनले हरायो।

पाँचौ दिन(२५गते) वर्षाका कारण खेल रोकिएपछि खेल २७ गते गराइएको थियो।

त्यसअघि २६ गतेको पाँचौ दिनको खेलमा महाविरले ओएसिस क्रिकेट एकेडेमीलाई ८० रनले हराएको थियो। दोस्रो खेलमा ग्रेट हिमालयन क्रिकेट एकेडेमीविरुद्ध हिमालयन क्रिकेट एकेडेमीले १ विकेटले जित निकालेको थियो।

समूह चरणको अन्तिम दिन २७ गतेको पहिलो खेलमा न्यू भिजनले नेक्ससविरुद्ध २ विकेटले जित निकाल्दा त्यही दिनको दोस्रो खेलमा बालुवाटारले केसीटीसीमाथि ४ रनले जित निकाल्यो।

न्यू भिजन, वालुवाटार, महवीर क्लब र हिमालयन क्रमशः समूह ए, बी, सी र डीबाट विजेता बन्दै सेमिफाइलन प्रवेश गरेका थिए। त्यसमध्ये पहिलो सेमिफाइनल खेलमा महवीर क्लबले न्यू भिजनलाई ७५ रनले हरायो भने दोस्रो खेलमा बालुवाटारले हिमालयनलाई १४ रनले हराएको थियो।

प्रतिक्रिया दिनुहोस्