सुर्खेत- सुर्खेतमा नेत्रविक्रम चन्द्र विप्लव नेतृत्वका नेकपाका कार्यकर्ता र प्रहरीबीच गोली हानाहान भएको छ।
पञ्चपुरी नगरपालिका वडा नम्बर– ८ जुवालथाईमा प्रहरी र विप्लव कार्यकर्ताबीच गोली हानाहाना भएको सुर्खेतका एसपी दिल्लराज पन्तले पुष्टि गरे।
‘विप्लव र प्रहरी दुबै पक्षबाट दुई/दुई राउन्ड गोली हानाहान भयो।’ एसपी पन्तले भने ‘विप्लवका कार्यकर्ता छन् वा छैनन् भनेर अनुसन्धानका लागि दुई जना प्रहरी मात्रै गएका थिए, मुटभेडपछि दोहोरो फाइरिङ भयो तर विप्लवका कार्यकर्ताहरु भागे।’
विप्लवका स्थानीय कार्यकर्ता गाउँ बसेको विशेष सूचनापाएपछि प्रहरी अनुसन्धानका लागि घटनास्थल पुगेको थियो।
विप्लव कार्यकर्ता स्थानीय भए पनि उनको विवरण भने प्रहरीले खुलाएको छैन। दिउँसो करिव दुई बजेतिर घटना भएको प्रहरीको भनाइ छ।