सोमबार, जेठ १२, २०७७

समाचार अर्थ

साताको अन्तिम दिन ४६ अंकले घट्यो बजार

1574596529726666451nepse-down.jpeg

काठमाडौं - सेयर बजार पछिल्लो समय अस्वाभाविक रुपमा अस्थिर देखिएको छ। गत सातादेखि घट्न थालेको बजार गत मंगलबार दुई पटक नेगेटिभ सर्किट लागेर ६ प्रतिशतभन्दा बढी अंकले घटी डेढ घण्टा अगाडि नै बन्द गर्नुपरेको थियो। तर, बुधबार त्यसको ठीक विपरित ७३ अंकले बजार उकालो लागेको थियो। साताको कारोबारको अन्तिम दिन बिहीबार बजार पुनः ४५.९१ अंकले ओरालो लागेर १३७७.१८ अंकमा अडिएको छ।

बिहीबार सम्पूर्ण परिसूचक पनि ओरालो लागेका छन्। यसदिन बजारमा करिब ७० प्रतिशत हिस्सा रहेको बैंकिङ समूह ४०.४२ अंकले ओरालो लागेको छ। त्यस्तैगरी ट्रेडिङ १२.०४, होटल्स ९२.६७, विकास बैंक ४६.६, जलविद्युत ३२.९१, फाइनान्स १५.३७, निर्जिवन बीमा ३१७, उत्पादन ७६.२५, अन्य १५.२२, लघुवित्त ८९.६३,जीवन बीमा २३७.३ र म्यूचुअल फन्ड ०.१९ अंकले उकालो लागेको छ।

यसदिन सबैभन्दा बढी कारोबार हुने कम्पनीमा नेपाल लाइफ इन्स्योरेन्स १९ करोड ८२ लाख रुपैयाँ रहेको छ भने एनआइसी एसियाको ११ करोड ६३ लाख रुपैयाँको कारोबार भएको छ।
यसदिन घटेको बजारमा पनि सबैभन्दा बढी कमाउने कम्पनीमा श्री इन्भेष्टमेन्ट फाइनान्स रहेको नेप्सेले जनाएको छ।

बिहीबार स्वाभिमान लघुवित्त वित्तिय संस्थाले सबैभन्दा बढी १० प्रतिशतले आफ्नो सम्पत्ति गुमाएको छ। यसदिन राधी विद्युत कम्पनी र हिमाल दोलखा हाइड्रोपावर कम्पनी लिमिटेडले ९ प्रतिशत भन्दा बढीले आफ्नो सम्पत्ति गुमाएका छन्।

बिहीबार १८२ कम्पनीको ५६ लाख ८६ हजार कित्ता सेयर २ अर्ब २० करोड रुपैयाँ बराबरमा कारोबार भएको नेप्सेले जनाएको छ।

प्रतिक्रिया दिनुहोस्