काठमाडौं- नयाँ वर्ष २०२० को पहिलो दिन अर्थात् जनवरी १ मा विश्वभर ४ लाख बच्चा जन्मिँदै छन्।
यो २१औं शताब्दीको तेस्रो दशकको पहिलो दिन विश्वभर ३ लाख ९२ हजार ७८ जना बालबालिका जन्मिने प्रक्षेपणसहितको क्यालेन्डर
युनिसफेका कार्यकारी निर्देशक हेनरिटाले जारी गरेका हुन्।
रिपाेर्टअनुसार पहिलो दिन सबैभन्दा धेरै भारतमा ६७ हजार ३८५ बच्चा जन्मिँदै छन्।
दोस्रो नम्बरमा चीनमा ४६ हजार बच्चा जन्मिनेछन्।
नयाँ वर्षको पहिलो बच्चाको जन्म फिजीमा भएको छ भने अन्तिम बच्चाको जन्म अमेरिकामा हुनेछ।
जनवरी १ मा नाइजेरियामा २६ हजार ३९, पाकिस्तानमा १६ हजार ७८७, इन्डोनेसियामा १३ हजार २०, अमेरिकामा १० हजार ४५२, कंगोमा १० हजार २४७ तथा इथियोपियामा ८ हजार ४९३ बच्चा जन्मिएका छन्।
नयाँ वर्षको दिन नेपालमा ने १ हजार ५६७ बच्चाको जन्म हुने युनिसेफको प्रक्षेपण छ।
१९० देशको प्रक्षेपणमा सबैभन्दा कम बच्चा अरुबामा २ जनामात्रै जन्मिने जनाइएको छ।