सोमबार, जेठ १२, २०७७

समाचार खेलकुद

कारोनाका कारण सिटी र आर्सनलको खेल स्थगित

1583925878city_arsenal.jpg

काठमाडौं - इङ्लिस प्रिमियर लिगअन्तर्गत बुधबार हुने भनिएको म्यान्चेस्टर सिटी र आर्सनलबीचको खेल रोकिएको छ। कोरोनाभाइरसको सुरक्षाका लागि खेल स्थगन गरिएको बताइएको छ।

ईपीएलका खेल यसअघि स्थगित भएका थिएनन्। तर, आज राति म्यान्चेस्टर सिटीको मैदानमा हुने तय भएको खेल पहिलोपटक स्थगित भएको हो। खेलबारे सूचना सार्वजनिक गर्दै आयोजकले भनेको छ, ‘अरु खेलहरु स्थगन हुने छैन। साबधानी सबै खेलमा अपनाइने छ।’

इंग्ल्यान्डमा हालसम्म ३८२ रोग संक्रमित देखिएका छन्। विश्वमा एक लाख २० हजार जनामा कोरोनाभाइरसको संक्रमण देखिइसकेको छ। यसअघि कोरोनाका कारण इटालीको सिरी एका धेरै खेल प्रभावित भइसकेका छन्।

प्रतिक्रिया दिनुहोस्