काठमाडौं। सुनको भाउ प्रतितोला ७३ हजार ५०० रुपैयाँ पुगेको छ। यो मूल्यमा सुन कारोबार भएको यो तेस्रोपटक हो । गत भदौ ९ र १८ गते सुनको मूल्य साढे ७३ हजार पुगेको थियो ।
सोमबारको तुलनामा प्रतितोला २०० रुपैयाँले बढ्दा सुनले यो मूल्य कायम गरेको हो। अन्तर्राष्ट्रिय रुपमा नै मूल्य लगातार बढ्दै गएपछि नेपालमा पनि त्यसको असर परेको सुनचाँदी व्यवसायी महासंघ नेपालले जनाएको छ।
अमेरिका र चीनबीच भइरहेको व्यापार युद्धका कारण सेयर लगानीकर्ताको मनोबलमा गिरावट आउन थालेपछि उनीहरु सुनतर्फ आकर्षित भएको बताइन्छ । जसका कारण अन्तर्राष्ट्रिय रुपमा नै मूल्य बढेको हो।
मंगलबार अन्तर्राष्ट्रिय बजारमा सुनको मूल्य प्रतिऔंस १५ सय २५ डलर ७५ सेन्ट पुगेको छ ।