डा. आशा सिंह एआईजीमा बढुवा

काठमाडौं- नेपाल प्रहरी अस्पतालकी प्रहरी नायब महानिरीक्षक (डीआईजी) डा. आशा सिंहलाई गृह मन्त्रालयले प्रहरी अतिरिक्त महानिरीक्षक (एआईजी) मा बढुवा गर्न सिफारिस गरेको छ।

सिंह वरिष्ठ स्त्री रोग विशेषज्ञ हुन्। गृह सचिव प्रेमकुमार राईको अध्यक्षता र प्रहरी महानिरीक्षक सर्वेन्द्र खनाल र प्रधानमन्त्री तथा मन्त्रिपरिषदको कार्यालयका सचिव सदस्य रहेको बढुवा समितिको सोमबार बसेको बैठकले डा. सिंहलाई एआईजीमा बढुवा गर्न सिफारिस गरेको हो।

अस्पतालको नेतृत्वका लागि डीआईजी मिनराज पाठक, डा. सिंह र डा. सुमनराज श्रेष्ठ प्रतिष्पर्धामा थिए।

उनीहरु सबै १ पुस २०७५ मा डीआईजीमा बढुवा भएका थिए। यसअघि पुस ३ गते प्रहरी अस्पतालकी प्रमुख डा. दुर्गा थापाले अवकाश पाएकी थिइन्।