शनिबार, चैत २२, २०७६

समाचार

बालविकास केन्द्रमा अंग्रेजी माध्यममा पठनपाठनको तयारी

1583724503Mudkechula_Gaupalika.jpg

डोल्पा– डोल्पाको मुड्केचुला गाउँपालिकाले बालविकास केन्द्रमा अंग्रेजी माध्यममा पढाई सञ्चालन गर्ने तयारी गरेको छ।

अंग्रेजी विषयमा विद्यार्थी कमजोर भएको भन्दै गाउँपालिकाले १३ बालविकास केन्द्रमा अंग्रेजी माध्यममा पठनपाठन गर्ने तयारी गरेको हो।

संघीय सरकारबाट दिँदै आएको रकममा केही थप गरी बालविकास केन्द्रमा अंग्रेजी माध्यममा पढाइ सुरु गर्न लागेको गाउँपालिका अध्यक्ष दत्तबहादुर शाहीले जानकारी दिए।

गाउँपालिकाले अंग्रेजी माध्यममा पढाइ सुरु गर्न आफैले पाठ्यपुस्तकसमेत तयार गरिसकेको छ। शिक्षा शाखाका दलबहादुर बस्नेतले बालविकास केन्द्रका लागि अंग्रेजी माध्यमको रंगीन पुस्तक छापिसकेको जानकारी दिए।

अंग्रेजी माध्यममा अध्यापन गराउन सबै बालविकास केन्द्रका शिक्षकलाई सात दिने तालिमसमेत दिइएको गाउँपालिकाले जनाएको छ।

रासस

प्रतिक्रिया दिनुहोस्